Psa 75 | NdeIBE | STEP | Kumqondisi wokuhlabela. Itshuni ethi, “Ungabhidlizi.” Ihubo lika-Asafi. Ingoma. Siletha ukubonga kuwe, O Nkulunkulu, siletha ukubonga, ngoba iBizo lakho liseduze; abantu bayakhuluma ngemisebenzi yakho emangalisayo.

Psalms 75

Kumqondisi wokuhlabela. Itshuni ethi, “Ungabhidlizi.” Ihubo lika-Asafi. Ingoma.

1 Siletha ukubonga kuwe, O Nkulunkulu, siletha ukubonga, ngoba iBizo lakho liseduze; abantu bayakhuluma ngemisebenzi yakho emangalisayo.

2 Wena uthi, “Ngikhetha isikhathi esimisiweyo; yimi engahlulela okuqondileyo.

3 Nxa umhlaba uzamazama kanye labantu bawo, yimi engizibamba ziqine izisekelo zawo.

4 Ngithi kwabayiziqholo, ‘Lingabe lisazincoma,’ ngithi kwababi, ‘Lingaziphakamisi izimpondo zenu.

5 Lingaziphakamiseli phezulu ezulwini; lingakhulumi liphongele.’ ”

6 Kakho ovela empumalanga loba entshonalanga, kumbe ovela enkangala ongaphakamisa umuntu.

7 Kodwa nguNkulunkulu owahlulelayo: uyamehlisa omunye, amkhweze omunye.

8 Esandleni sikaJehova kukhona inkomitshi egcwele iwayini eliphuphumayo elixutshwe ngeziyoliso; uyalithulula, kuthi bonke ababi bomhlaba balinathe kanye lenzece zalo.

9 Kodwa mina ngizamemezela lokhu lanini; ngizahlabelela indumiso kuNkulunkulu kaJakhobe.

10 Ngizazithulisa zonke izimpondo zababi, kodwa izimpondo zabalungileyo zizaphakanyiswa.